حاجات ومحتاجات

Tuesday, December 13, 2005

انشكاح أو ارتياح سمها ما شئت

اكتشفت عالم التدوينات أو البلوجات من فترة قصيرة نسبياً
وذهلت من كمية البلوجات او السبيسات اللي موجودة-بلوجات من جميع الالوان والجنسيات وكل بلوج فية أفكار مختلفة وساعات عقائد مختلفة-أفكار شائكة، ثورية، منطقية،مهلبية المهم ان في شباب بيفكر وبيكتب ويبدع-كل واحد في سبيس من ضمن الاف السبيسات في عالم افتراضي رقمي
في سبيسات فيها قصص قصيرة وأشعار وتأملات حقيقي مبهرة وسبيسات تتميز بالتحليل السياسي العميق جدا من شباب في العشرينات عندهم وعي فظيع وسبيسات تانية لصور جميلة التقطتها عدسات مصور شاب و الاف السبيسات بالاف الاتجاهات لو قعدت اوصفهم هحتاج بلوجات وبلوجات
وجولتي الواسعة في عالم البلوجات الأوسع اضافتلي حاجات كتير لكن اهمها انها اضافتلي احساس غامر
بالارتياح والسعادة اننا لسا بخير فعلا
وان مش كل الشباب ضايع ولا كله تافة ولا كلة
... خايف

نهى الزيني



وأسأل على راي مفيد فوزي-لية عالم البلوجات متقلبش على الدكتور نهى زي ما اتقلب على عبد الكريم؟

الفقي انكشف يا بني ادمين

لا وبيقول في لقاء تلفزيوني مع برنامج «على الهوا» بأن الانتخابات زورت لمصلحة الاخوان، إن بعض القضاة لهم ميول إخوانية

يا اخييييييييييييي يا ابو سبع تلاف صوت يكسب خمسة وعشرين الف صووووت يا اخيييييي

Thursday, December 08, 2005

تعالوا اتشمسوا عندنا


في بلدنا العزيزة، يتشمس المواطنون بعد الإدلاء بأصواتهم بكل حرية ونزاهة وديمقراطية
ودة يا سادة ان دل على شئ فيدل على سعادتهم الجمة وانشكاحهم الغامر