المسجد الأقصى
في حين ان حماس وفتح نازلين خناق في بعض اسرائيل السوسة اللي مبتفتوتش فرص انهمكت في التفحير حول المسجد الأقصى
عااادي خالص خيبتنا دي عااادي
المش عادي باءة- المصريين طبعا شافوا اللي بيحصل دمهم اتحرق راحوا طالعين عالازهر يصلوا الجمعة ويدعوا ربنا يهد اللي محدش قادر عليهم. طيب في اية يعني؟في ان الناس اتمنعت من دخول المسجد للصلاة! وتم التضييق عليهم من قبل الامن عشان يطفشوهم من المكان. المهم ان الناس اللي جوا وهما طالعين واحد خدتة الجلالة وابتدى يهتف ضد اسرائيل. يقوم عساكرنا الابرار يقبضوا على ٢٠٠ واحد!!!!في اية؟ في اية يا حكومة منيلة على عينها؟ بتعتقلوا الناس لية؟ طب الفلسطيين واللي بيضيق عليهم اليهود، المحتل. لما عساكرنا يضيقوا علينا يبقى دة اسمة اية؟وبتودوا الناس دي فين؟ كل شوية ٢٠٠ على ١٠٠ على ٥٠ ! بتودوهم فين كل دول؟ربنا ياخدكوا وياخد اسرائيل وياخد فتح وحماس والقرف اللي ربنا مبتلينا بية!
posted by حاجات ومحتاجات @ 2:40 AM
6 Comments:
ويخذنا كلنا معاهم وأنا في المقدمة.. معليش، دا كمان من خلقي اللي طفش
تحياتي
جُحَا.كُمْ
وقع الساسة الفلسطينيون في الفخ الذي نصبته إسرائيل لهم .. هناك من حذر من ذلك بعد أقل من عام من انتفاضة الأقصى ، لكن الأصوات الهادئة تضيع وسط الضجيج والهتاف ، إلى أن تبطح الفأس الرأس ،ونقول يا ريت اللي جرى ما كان..ولله الأمر من قبل ومن بعد..
وياخدنا احنا كمان يا جحا اهو نرتاح :(
قلم
والله اللي بيحصل في فلسطين دة فعلا يشل ولو بصينا على العالم العربي هنلاقي ان قراراتنا كلها بطابع الضجيج والهتاف. مفيش حاجة بالعقل ابدا :(
اللهم حرر المسجد الاقصى
شكرا لك على هذا الموضوع
well done
well done
Post a Comment
<< Home