اوفففففففففففففففففففففففففف
مكنتش عايزة اكتب عن السفالة والتخلف اللي حصل في اسكندرية
بس حاسة فعلا اني هموت من الغيظ فقلت اكتب واطلع زهقي وغضبي في اي حاجة
اولا مش مصدقة حكاية واحد مختل واللي طلع التفسير دة هو اللي مختل
هو اي مشكلة نلزقها في مختلين؟ اما بلد مختلة صحيح!
اذا كان قالوا ان كل كنيسة كانت بتبعد عن التانية بتاع 15 كيلو اية رجل المستحيل!
غباء في غباء وتسطيح في تسطيح
مش عارفة انهي مسلم اللي يرضى يعمل كدة
يشوه اسم الدين بالقذارة دي ويروح يضرب ناس ملهمش سلطة زية بالضبط
وداخل ليهم دخول الفاتحين والله اكبر! كتك مصيبة تاخد امثالك يا متخلف!
اللي استغربت لة كمان ردة فعل المسيحيين
انا طبعا متفهمة جدا غضبهم وحزنهم ولهم كامل الحق في الغضب والثورة بس لية تتهموا كل المسلمين؟
لية التخلف دة انتوا كمان؟ ما تصدقوا تيجي فرصة عشان تشتموا في الازهر والاسلام و اسطوانة احنا السكان الاصليين وانتوا دخلتوا علينا! الاسلام كان داخل داخل وعلى الاقل المسلميين لا عذبوكوا ولا طلعوا عنيكوا زي الرومان! لية الكراهية الشديدة دي من الطرفين؟ لا احنا طالعين ولا انتوا طب ما نتعايش مع بعض وكل واحد يتقبل دين التاني ويتنيل يسكت!
خلاص مبقاش الحل اننا نشوف قس وشيخ بيسلموا على بعض والهلال مع الصليب والكلام اللي مش جايب همة دة. يلا نتصارح باءة وكل واحد يقول اللي في قلبة بجد. نصفي مشاعرنا تجاة بعض ونتصارح فعلا
وكل اللي عندة شحنة غضب ميوجهاش للطرف التاني اللي غلبان وقرفان في عيشتة زية بالضبط.
يوجهها فوق فوووووق
اللي نقلة جار القمر في مدونتة اذهلني وزعلني وصدمني وكل حاجة زي:
على سور الكنيسه استمع بارهاف الى احاديث الناس .. سيده هستيريه
تصرخ : ده دين سفك دماء .. احنا مش بنقتل ولا بنعمل حاجه .. دول مجرمين
..
ترد عليها اخرى : ربنا بينتقم منهم .. في الحج بيموتوا و في البحر
بيغرقوا
..
يصل لي كلام آخر : البلد دي بتاعتنا و هما اللي جم ..احنا بنمارس
عبادتنا في الخفاء .. و دول بتوع مظاهر .. الإسلام ده دين مظاهر
..
يحادثني
كهل : البوليس منهم .. دول عصابه في بعضيهم .. احنا نروح فيهم فين
..
اعود
الى السيدة الاولى .. تتحدث عن ضعف القرآن او ماشابه : خليهم بس يعرفو يفسروا آيه
واحده .. خلي حد يورينا انه مقتنع و فاهم اللي داوشينا بيه ليل نهر ده
..
رجال تصرخ بدق جرس الكنيسه .. و اخرى تهمس لابنتها : ايوه زي ماهم
داوشينا بالاذان ليل نهار كده
تسألها جارتها عن المسجد المقابل .. تخبرها انهم
لن يستطيعوا صلاة العصر او المغرب : خليه مقفول كدهلا حول ولا قوة الا بالله فعلا. يا مسلمين ياللي بتعملوا كدة كتكم القرففففففففف
posted by حاجات ومحتاجات @ 12:26 PM
4 Comments:
مساء الخير أوصباحه
رغم كوني أجد بعض الصعوبة في قراءة كتابة بالعامية، مع العلم أني أفهم اللهجة المصرية جيدا بل وأتحدثها أيضا، فقد تمكنت من استيعاب ما جاء في تدوينتك، وأحييك على عمق مشاعرك في هذه الصرخة الوطنية الصادقة. والذي استحسنه جيدا هو اهتمامك بما يجري من أحداث عامة وإنسانية وهذا نادر اليوم بين إناث الوطن العربي الغارقات في مشاكلهن الشخصية جدا..
مع تحياتي
جُحَا.كُمْْ
أهلا استاذ جحا :)
بشكرك على رايك وان شاء الله احاول اتكلم رسمي على قد ما اقدر :)
عادل بيه حمودة عامل انترفيو - يااااي- شووووو بيعقد مع المختل عقليا ، حاجة تفكرك بفيلم interview with the vampire..
والكلام اللي قاله سي المختل عقلياً كلام بيحمل معنى من اتنين ، إما إنه مجنون فعلاً ، أو إنه وعادل حمودة فاكريننا شوية مختلين!
اختي العزيزه انا قبطي اعيش بالخارج واعجبني جدا تحليلك للموقف وفعلا انا معك انه ليس بمختل عقليا وانما المختل هو من ادلي بهذا التصريح ظانا منه انه سيظهر امام الشعب المصري بمظهر "اللي جاب الديب من ديله". علي ايه حال برغم اتفاقي في الرأي مع السيده التي لم يعجبك تعليقها لكني احاول ان اشرح لك انني عاصرت المسلمين من اصدقائي في مصر قبل وبعد سيطره وانتشار الوهابيه السعوديه في مصر وسيطرتها علي فكر رجل الشارع الامي العامي. وهذا هو مربط الفرس فالكراهيه لم تكن ابدا سمه من سمات هذا الشعب ولكنها زرع من كانو حفاه واغناهم الذهب الاسود ووجدوا قجأه انفسهم اسيادا يأتون الي مصر ليمتعوا اجسادهم وشهواتهم في احضان المصريات بأي نوع من انواع الزواج فهم كثير. ولأنهم لديهم وقت فراغ كبير قضوه في منح المال لكل من يقتل مسيحي وانتخبوا من شوارع مصر الخارجين علي القانون لينصبوهم امراء جماعات تنظم القانون. انا في اشد الحزن علي مصر. cop.rev@gmail.com
Post a Comment
<< Home